El 25 de mayu ye unu de los díes más importantes para nós los frikis, y ye que se celebra’l Día del Arguyu Friki. ¿Sabíes que’l día 25 de mayu de 1977 estrenose en cines una película que revolucionó’l mundu de la ciencia ficción para tolos frikis? Star Wars: Episodiu IV
Una nueva esperanza, la primer película que s’estrenó d’esta saga, anque toos sabemos que cronolóxicamente nun ye la primera, pero sí foi la primera que pudimos ver de la hestoria creada por George Lucas, por esto cuéyese de referencia esi día. Y como Star Wars tien otru día para sí, el 4 de mayu (por eso de May the 4th be with you), el 25 quedaba llibre y merecedor d’una celebración asemeyada.
Nel añu 2006 el bloguero español Germán Martínez, alies Señor Buebo, autor de los llibros Arguyosos de ser friki y Que la fuerza te acompañe, consiguió axuntar a más de 300 persones en Madrid na primer convocatoria d’esta celebración. Más tarde, esi día celebrase de manera añal y amás dio’l saltu a EE.XX. en 2008. De magar, y hasta l’actualidá, realícense programaciones, festivales y desfiles para festexar esti día.
- Friki: Defínese como persona que practica escomanada y obsesivamente una afición.
- Nos últimos años, la palabra friki tomó una connotación más positiva, y ye que gracies a Internet y a les RRSS.
- El significáu de la palabra friki foi utilizáu para describir a les persones que tienen un comportamientu un tanto escéntrico y que por esta razón son llomaos de raros y estravagantes.
- Nel pasáu, esti términu utilizábase para nomar a persones que presentaben dalgún defectu físicu, sicasí, n’años recién ye más común emplegalo para calificar a los individuos con comportamientos daqué inusuales, con gustos bien particulares y con delles aficiones fora de lo común.
