- Vamos empezar el día con nubes baxes siquier en zones de la metá norte, pero rápido van estenase y van abrise grandes claros.
- Mientres gran parte del día van predominar, a lo sumo, intervalos de nubes altes insignificantes.
- A lo llargo de la tarde, sobremanera de cara a la recta final, la nubosidá va dir a más y va acabar cubriendo prácticamente tola rexón. Ello ye que nun se refuga que puedan dase delles precipitaciones, sobremanera a la fin del día.
- Los vientos van ser fluexos, predominando d’oeste-noroeste na mariña. Les temperatures máximes van caltenese ensin grandes cambeos respecto al xueves.
- Les mínimes van xubir llixeramente nel sector central y nun van variar nel restu del Principáu.
- El sábadu vamos tener un día cargáu de nubosidá en tola rexón con posibilidá de precipitaciones débiles polo xeneral mientres la xornada.
- Los vientos van ser fluexos predominando de norte.
- Les temperatures máximes van baxar de forma xeneralizada y notable. Nel interior, concretamente, van baxar más de 6 ºC en relación a les que s’anoten el vienres. Comoquier, na mariña van baxar siquier 4 ºC polo que va ser un cambéu importante nes condiciones térmiques en toa Asturies.
- Les mínimes apenes van esperimentar cambeos.
- El domingu tamién va ser un día bien nublu con posibilidá de dellos orbayos y nel que tampoco s’algamaran los 20 ºC en casi nenguna localidá de la rexón.
- Como meyora para la próxima selmana, tou apunta a un enclín alza de les temperatures pudiendo rexistrate díes bien calorosos.
