El Principáu presenta (IN)visible, un documental que ruempe’l silenciu sobro la violencia sexual ente la mocedá. La producción, que cunta cola collaboración de la Televisión del Principáu d’Asturies (TPA), enmárcase nes actividaes entamaes pol Gobiernu d’Asturies con motivu del 8M. Actualidá
Emitiráse’l miércoles 11 de marzu na TPA
(IN)Visible, una producción que pon el focu nes violencies qu’operen sol radar de la vida cotidiana y qu’afecten especialmente a adolescentes y persones nueves, para amosar cómo inflúin la prostitución, la pornografía y l’esposición dixital na construcción de les relaciones, del deséu y del consentimientu.
(IN)visible enfúsase en dinámiques que de cutiu non se reconocen, porque nun dexen buelga física o porque s’integren como parte del paisaxe cultural y social. Asina, el documental amuesa cómo’l consumu tempranu de pornografía, la falta d’una educación afeutivu-sexual integral y los estereotipos de xéneru legitimen comportamientos de control, presión y abusu, de la que normalicen práctiques como la unviada d’imaxes íntimes a desconocíos o blanquien la prostitución dixital al traviés de plataformes que se presenten como redes sociales. Ver intro.
«Invisible» ye una serie documental de 10 episodios qu’espón les formes de violencia sexual que se despinten no cotidiano y na redolada dixital. Adolescentes narren y cavilguen sobro les sos vivencies nun contestu onde’l consentimientu confúndense y determinaes conductes violentes normalícense. Una mirada crítica pa reconocer aquello que con demasiada frecuencia prefier ignorase.
Mientres la so presentación, la directora xeneral d’Igualdá, Vanesa Fernández, sorrayó la importancia d’encetar de manera abierta esta realidá y de faelo en primer persona con quien tán más espuestos a estes dinámiques: les persones más nueves.
“El documental convídanos a reconocer cómo la prostitución y la pornografía tán influyendo de manera decisiva na construcción del deséu, del consentimientu y de les relaciones ente adolescentes y nueves, moldiando xuna cultura na que los cuerpos de les muyeres conviértense n’oxetos de consumu”, esplicó, de la que defendió la necesidá d’acompañar a la mocedá “ensin xulgar nin imponer, creando espacios seguros de diálogu y reflexón”.
Amás, Fernández destacó qu’esti proyectu súmase a les iniciatives impulsaes pol Gobiernu d’Asturies p’amenorgar desigualdaes, reforzar l’acompañamientu a la mocedá y combatir los discursos machistes que circulen con rapidez nes redolaes dixitales. “Esti compromisu nun se llinda al 8M, sinón que s’anueva acaldía, en cada xestu, en cada conversación y en cada decisión política”, apuntó.
El documental articúlase por aciu un diálogu interxeneracional ente adolescentes y espertes n’igualdá, qu’apurren claves pa entender procesos que suelen permanecer invisibles y ayuden a contextualizar les sos propies esperiencies. Esta estructura convierte la obra nuna ferramienta educativo que busca plantegar entrugues, fomentar el pensamientu críticu y promover relaciones más sanes, llibres y responsables.
Con esta presentación, el Principáu da un pasu más pa faer visible aquello que tantes vegaes permanez ocultu, fomentar un diálogu ampliu y construyir una sociedá más llibre, más igualitaria y más xusta.
* En la imagen (de izqda. a dcha.): Vanesa Fernández, directora general de Igualdad; Noelia Fernández, psicóloga del centro de crisis para víctimas de agresiones sexuales; Emma González, experta en violencia de género y coeducadora; Marián Moreno, asesora del Instituto Asturiano de la Mujer; Eva Pérez; estudiante del Grado en Lengua Española y Comunicación en la Universidad de Oviedo, y Álex Vega (estudiante de 1 Bachillerato), y Estela Cubilla, directora del documental.
