El Xardín Botánicu Atlánticu va estrenar parte del xardín de La Isla col programa de primavera. El públicu va poder aportar per primer vegada a esti nuevu espaciu mientres l’aniversariu del muséu verde, los díes 25 y 26 d’abril, con entrada gratuita. + INFO / Programa d’actividaes
El Xardín Botánicu “ye un muséu vivu y anguaño, ensin dulda, ta más vivu que nunca” cola alquisición de La Isla.
Otra de les grandes novedaes del programa de primavera va ser la celebración de la I Feria de Plantes, que los díes 6 y 7 de xunu va axuntar na ciudá a dalgunos de los más relevantes productores d’España, Francia, Portugal y Holanda.
Amás de plantes úniques y calidable, l’eventu va ufiertar artesanía, charres, música y numberoses actividaes complementaries.
Anguaño destaca como novedá un taller para aprender a cultivar plantes acuátiques en casa, enmarcáu nes celebraciones del Día Mundial de l’Agua, que se conmemora cada 22 de marzu.
