Gústame la xente que nun s’enllena la boca falando de ser de pueblu sinón que la llena de conversaciones colos sos vecinos. Tamién me gusta la que nun fala romantizando “el rural”, sinón la que reivindica a les instituciones el saneamientu, una bona trayida d’agua, un tresporte públicu o una sienda para nun morrer atropellaos na CT2. Semeya
Sudar baillando una xota y depués una muñeira ta bien, pero prefiero la xente que, antes d’eso suda llimpiando un Camín comuñal o un llavaderu condergáu a la desapaición. Ayeri la la mio hermana col so pregón foi un exemplu de lo que significa vivir na zona rural. Reconoció y abrazó los sos raigaños familiares, honró a tanta xente que trabayó por Pillarno y pidió por curiar a los llabradores y ganaderos. Faló de como na nuesa aldega crean proyectos comuñales que fortalecen llazos, previenen l’aislamientu social y descentralicen la cultura y l’ociu.
Gústame la xente como Mónica, que ye un exemplu y un espeyu ónde mirase cuando queremos poner en valor lo nueso.
