El Principáu d’Asturies va ellaborar un decretu para regular la prevención, detección y erradicación del acoso escolar, que va incluyir: Un plan cuatrienal con actuaciones concretes, la regulación de los protocolos d’actuación vixentes y la creación d’un observatoriu contra l’acoso escolar.La conseyera d’Educación, Lydia Espina, unvió güei una carta a la ministra del ramu, Pilar Allegría, para tresllada-y les iniciatives autonómiques y solicitar una entrevista na que s’enceten nueves midíes para atayar esti grave problema social.
La iniciativa autonómica –que s’anuncia coincidiendo col Día Internacional contra l’Acoso Escolar– va traer el cambéu del plan normativu del Principáu para 2025.
“El Gobiernu d’Asturies va desenvolver toes aquelles midíes contra l’acoso escolar qu’entren dientro de les nueses competencies autonómiques, porque’l nuesu oxetivu ye poder erradicar esta lacra social. Que naide tenga la menor dulda: nun vamos remacariar esfuerzos y recursos pa tratar de consiguilo”.
El Principáu cunta con un protocolu d’actuación contra esti problema, que s’actualizó en trés causes pa incluyir el ciberacoso, les conductes qu’atenten contra la orientación ya identidá sexual o pa escuchar les suxerencies de les direcciones de los centros educativos.
Tamién impulsó otres iniciatives como les distintes campañes informatives de sofitu a les víctimes, l’alcuerdu col Colexu de Psicoloxía o la contratación del programa Tutoría ente Iguales (TEI), que va faer qu’Asturies se convierta na primer comunidá n’incorporalo a tol sistema educativu.
