El Muséu de la Mina d’Arnao, en Castrillón, amuesa a veres del Cantábricu la primera gran esplotación carbonifera d’España.
El Muséu de la Mina d’Arnao va abrir de nuevu al públicu pasao mañana, vienres, con trés xornaes de puertes abiertes, una vegada remataos los trabayos desenvueltos nos últimos meses de caltenimientu y sustitución del ascensor pol que se baxa a les galeríes, informó esti miércoles el Conceyu de Castrillón.
El Muséu alluga la primer esplotación industrial de carbón d’España. Inaugurada en 1833 y clausurada en 1915, ye la única mina submarina n’Europa. El xacimientu recibió en 2023 a 9.673 visitantes, más del 60% de movíos dende fora d’Asturies.
Dende la so apertura como muséu nel añu 2012 averáronse a conocelo más de 90.000 persones de 62 nacionalidaes distintes.
Les obres nel equipamientu, desenvueltes dende’l pasáu 1 de febreru, supunxeron una inversión de 156.889 euros ya incluyeron la sustitución del ascensor, de funcionamientu hidráulicu, por unu de tipu eléctricu, por cuenta de les averíes frecuentes que sufría l’aparatu sustituyíu.
