- Fonte: RTPA VIDEU / semeyes C. Nieto / semeyes Don Orione / LNE /
- IV edición / Galería de Gontzal Fdez. /
Una quincena d’artistes asturianos participen nel eventu que se celebra hasta’l 14 de xunetu.
Porrúa enllénase d’arte col Festival d’Intervención Artística de Boles de Silu. Una quincena d’artistes asturianos participa esti añu na cuarta edición d’esti festival que se celebra hasta’l 14 de xunetu.
Ganaderos y artistes compaxinen campu y arte nesta iniciativa, na que les boles de silu son el llenzu, esplica Nieves González, entamadora del festival. Los participantes son artistes asturianos con múltiples variedaes d’estilos. Les obres van dende lo abstracto a paisaxes asturianos o, inclusive, arte reivindicativu.
El festival cunta con munches actividaes como meses redondes colos artistes, sesión vermú y actividaes pa los más pequeños.
Obres tamién emotives que remembren a la infancia, como la d’Inés Benitu. Porrúa inspirólu una sensación «prestosa», como la que-y produz pasar un día cola güela»: «Dibuxé esa fantasía de la infancia con un gochu volador, una pitina regando les plantes, la güela y el so platu típicu con güevos con pataques», esplica.
