- Pedro Paniceres
- Noticia El Fielato / CARTELU / Programa Fiestes del Portal 2024 / #Villaviciosa 13/14/15/16/17/18 de Setiembre.
- L’artista inglesa, vecina de la Villa, Eliza Southwood robla’l cartel de les Fiestes del Portal.
«Empecé con un dibuxu que fixi con lápiz y papel, a lo tradicional. De siguío, escanié’l dibuxu dixitalmente, para pescudar cómo diba escoyer los colores por aciu l’ordenador»
El cártel ye una serigrafía
Trátase d’una obra orixinal en técnica serigrafiada, esto ye, lo que se conoz como un monotipo. Nesti casu, el cartelu tien 6 colores, cada cual aplícase individualmente. El fotolitu aplicase a la superficie d’una especie de pantalla con una tela espurrío, que s’utiliza para la tresferencia de la tinta al papel. Esti procesu fízose por aciu una emulsión fotosensible y una insoladora. Una vegada que los fotolitos tán afitaos sobro la superficie de la pantalla, puede ponese unu a estampar la obra, color a color.
«Ye un procesu llargu y abondo aballador qu’anguaño s’utiliza bien poco. Tradicionalmente la serigrafía utilizábase para estampar ropa y faer rótulos, pero tou eso faise dixitalmente anguaño. Sicasí, yo y otros tamos intentando alicar como técnica artística, porque tien una testura y un encantu especial, bien a lo antiguo, y ta fecha a mano» destaca l’autora.
Eliza Southwood nació en Worcestershire (Inglaterra) en 1973 y llegó a Villaviciosa cola so familia a principios de los años 80, dende’l ámbitu rural británico al ámbitu rural asturiano.
