- Ficha Filmaffinity / «Memoria d’un cascoxu» /
- #MemoriasDeUnCaracol ye la nominá #Oscar a meyor película animada
«Memories d’un Cascoxu» ye una película nomada al Oscar a Meyor Animación qu’esquiza la soledá, el trauma y la llucha incesante por vivir el presente. Esti maraviyosu filme en stop motion, que yá s’atopa en carteleres, te va faer llorar, rir y cavilgar sobro la vida, les conexones y les xaules invisibles nes que zarramos por mieu a avanzar.
Resume: Australia, años 70. Grace Pudel ye una neña solitaria ya inadautada, aficionada a coleccionar figures decoratives de cascoxos y con una devoción fonda poles noveles romántiques. La muerte del so padre cuando tan solo ye una neña, llévala a tener que dixebrase del so hermanu mellizu, Gilbert, lo que l’aboca a una espiral d’ansiedá y congoxa. Sicasí, la esperanza vuelve a la so vida cuando conoz a una escéntrica vieya llena de determinación y amor pola vida llamada Pinky, cola qu’entablará una llarga amistá que-y camudará la vida para siempres.
Esta producción n’animación stop motion cúntanos la hestoria d’unos hermanos ximielgos, güérfanos de madre y que’l so padre, un exmalabarista, faise cargu d’ellos metanes una depresión fonda.
Nel so nuevu proyectu, el director Adam Elliot decidió cuntar un relatu bien emotivu, murniu y poderosu qu’enceta col debíu respetu tarrezas como la depresión, les relaciones familiares y la busca d’identidá nun mundu que dacuando puede aportar a bien duru con quien menos lo merecen.
A pesar d’esto, el guion y la trama llograron distribuyir los momentos sentimentales y los cómicos al traviés del relatu, consiguiendo asina unu amiestu casi perfecta ente dambos tonos pa consiguir non solo llárimes, sinón tamién la to risa en repitíes ocasiones.
Una película que nos enseña qu’anque tou paeza perdíu siempres podemos voltiar escontra atras para aprender del pasáu pero caminar escontra alantre. Una película que puede camudate la vida con un mensaxe que munchos precisamos escuchar.
L’apartáu visual ye lo que más destacáu yá que dende los primeros minutos podemos ver un diseñu d’arte murnio y formosu.
