- Fonte: LNE / semeya de Fernando Rodríguez
Los alumnos del colexu percuerren les cais del barriu con un animáu desfile. L’Antroxu anubrió de coloríu les cais de La Corredoria. Alumnos y profesores del colexu públicu Carmen Ruiz-Tilve desfilaron pola redolada del centru, con amarutes que prepararon nes aules nes últimes selmanes.
La temática escoyida per cada cursu taba rellacionada colos proyectos que tán desenvolviendo nes clases. Poles cais pudo vese un gallineru, rellacionáu col proyectu desenvueltu cola Asociación para la Recuperación de la Pita Pinta asturiana, que dexó la instalación d’una incubadora con venticuatro güevos nel centru.
Nel Antroxu lleeron mensaxes qu’animaben a lluchar contra la contaminación del mar y otros que ciscaben que se curiara la tierra. «El monte asturianu» foi otra de les temátiques escoyíes pol colexu. Mientres se desenvolvía’l desfile poles cais próximes al centru sonaba la música. Una vegada rematáu’l percorríu, nel que se concentraron numberoses families, los alumnos y los profesores #dirixierense a la cancha del colexu onde se celebró la fiesta d’Antroxu.
