La Conseyería de Cultura, Política Llingüística y Deporte promociona’l cine y el sector audiovisual con un estand propiu na 28ª edición del Festival de Málaga dientro del área industrial del eventu, Málaga Festival Industry Zond, que se celebra hasta’l 21 de marzu.
La Conseyería de Cultura, Política Llingüística y Deporte promociona’l cine y el sector audiovisual con un estand propiu na 28ª edición del Festival de Cine de Málaga. El Principáu va tar presente na área industrial del eventu, el Málaga Festival Industry Zone (MAFIZ), que se celebra hasta’l 21 de marzu.
La delegación asturiana, encabezada pol director xeneral d’Acción Cultural y Normalización Llingüística, Antón García, va tar formada por 23 profesionales y empreses a les que’l Principáu facilitó la so presencia nel eventu. L’oxetivu del MAFIZ ye favorecer l’espardimientu y promoción de la industria cinematográfico d’Iberoamérica, según crear nueves redes de negociu al traviés de la plataforma Rexonal Filme Hub, que sofita’l sector cinematográficu de les distintes comunidaes.
Dientro del MAFIZ celébrase tamién la 19ª edición del Spanish Screenings Content, nel que baxo la marca Cine d’Asturies, va presentase un catálogu de 14 proyectos financiaos pola conseyería en 2024 para los que se busquen diverses aliances, como financiamientu, socios en coproducción o postproducción, distribución, vientes o presencia n’otros festivales.
La conseyería de Cultura va entamar mañana, miércoles, un alcuentru de trabayu xuntu con otros profesionales del sector, empreses ya instituciones nacionales, coles mires de fomentar la interrellación ente los diversos axentes cinematográficos
Amás, dientro del Spanish Screenings Content y col sofitu de Cultura, va tener llugar la proyección de dos llargumetraxes asturianos: Lluna, de Pablo Casanueva, y Xeneración Xixón Sound, d’Aure Raspies.
Asturies yá cuntara con representación nes ediciones de 2022 y 2023 del Festival de Málaga de la mano d’Asturies Paraísu Natural Filme Commission, qu’allegó pa promocionar los recursos del Principáu como plató de rodaxe, según la so rede d’empreses y profesionales.
