Cientos de persones esfruten estos díes en Mieres de la reinterpretación en videoarte de ‘El xardín de les delicies’.
- Fonte: El Comercio
- Pozu Santa Bárbara: wiki / info /
En dexando tras el Pozu Figareo, bien avanzao’l valle del Turón, al averase a La Rabaldana acolúmbrense los dos castilletes del Pozu Santa Bárbara, cerráu dende 1995, declaráu Bien d’Interés Cultural en 2009 y reaprovechada en 2015 la so antigua sala de máquines como centru cultural. Cientos de visitantes lleguen estos díes a esti rincón de la cuenca del Caudal para esfrutar d’una instalación de videuarte que reinterpreta la obra d‘El Bosco ‘El xardín de les delicies’, una de les estrelles indiscutibles del Muséu del Prau.
El Pozu Santa Bárbara, asitiáu na cuenca del ríu Turón a 10 kilómetros de Mieres, foi unu de los mayores pozos mineros d’Asturies. La empresa Hulleres del Turón abrióse en 1913 en busca del preciáu carbón y colos sos dos pozos verticales acabó siendo la exa d’un conxuntu empresarial. El pozu Santa Bárbara ye una histórica mina de carbón asturiano yá clausurada asitiada na parroquia de Turón, nel conceyu de Mieres (España). Foi declaráu Bien d’interés cultural el 29 d’ochobre de 2009. Anguaño funciona como centru cultural.
Hestoria Foi inauguráu 1913 so la titularidá d’Hulleres del Turón, con una fondura de 113 metros. Atópase asitiáu na paraxa conocida como La Rabaldana, n’una franxa de terrenal plana, estrecha y allargada llindada pela carretera actual, el ríu, y la carretera de serviciu d’Hunosa.
