El Gobiernu d’Asturies destina 74.000 euros a un programa d’evaluación de la biodiversidá nel Parque Nacional de los Picos d’Europa. La iniciativa, financiada con fondos europeos, busca conocer l’estáu y distribución de los distintos hábitats y especies d’esti espaciu protexíu. Los datos llograos van integrase nel Inventariu Español del Patrimoniu Natural y de la Biodiversidá.
Ente los hábitats y especies prioritaries a xixilar nel parque nacional de destaquen dalgunes como les turberes o’l frangüesos.
Fonte: Actualidá Asturies /
La Conseyería de Movilidá, Mediu Ambiente y Xestión d’Emerxencies va llevar a cabu una evaluación de la biodiversidá nel Parque Nacional de los Picos d’Europa, al traviés d’un programa de siguimientu venceyáu al Inventariu Español del Patrimoniu Natural y de la Biodiversidá, qu’integra tola información de los espacios protexíos del país. La iniciativa, financiáu al traviés del Plan de Recuperación, Tresformamientu y Resiliencia con fondos del programa Next GenerationEU, cuenta con una inversión de 74.000 euros.
Al traviés d’esti programa, que deriva de l’aplicación de la directiva Hábitats de la UE, se monitorizará l’estáu de caltenimientu d’esti tipu d’espacios y les especies de flora y fauna d’interés comuñal. Los cambeos que se produzan van comunicase al Ministeriu pa la Transición Ecolóxica y el Retu Demográficu por que queden recoyíos nel Inventariu Español del Patrimoniu Natural y de la Biodiversidá. .
Ente los hábitats y especies prioritaries a xixilar nel parque nacional de destaquen dalgunes como les turberes o’l frangüesos. Los trabayos a realizar van dirixixe a la selección de nueves localizaciones que van dexar aplicar los puntos de siguimientu na aguada asturiana de los Picos d’Europa.
Va cuntar con más de 200 zones de monitorización y va collaborar nos trabayos el personal especializáu de la Guardería del Mediu Natural. Esti proyectu contribúi a complementar la rede de siguimientu cola que cunta’l Principáu pa conocer l’estáu de caltenimientu y les presiones y amenaces pa los hábitats d’interés comuñal (HIC).
El Gobiernu d’Asturies desenvuelve dende 2023 un programa de siguimientu y monitorización de los distintos hábitats y especies d’interés prioritariu, del que se llogra información cartográfica, técnica y analítica sobro’l so estáu de caltenimientu en tolos sos espacios protexíos. Con esta nueva inversión, complétase l’ámbitu territorial d’esti trabayu científicu-técnicu y harmonícense los criterios de trabayu pa toa Asturies.
Bancu de datos de la naturaleza
