Esperamos unes condiciones meteorolóxiques estables en tol Principáu d’Asturies. Los cielos van tar asoleyaos con, a lo sumo, la presencia de cobardes intervalos de nubes altes ensin importancia. Los vientos van predominar de componente sur con posibles raches moderaes especialmente nel cordal. Les temperatures van xubir tantu nel casu de les máximes como nel de les mínimes. Les máximes van xubir notablemente nel centru d’Asturies, moderadamente nel restu de la metá norte, y de forma débil nel cordal y otres zones del sur asturianu. Podrán rexistrase 30 ºC nes localidaes más templaes de la rexón. Les mínimes van xubir llixeramente de forma xeneralizada con dellos ascensos locales daqué más significativos (hasta 3 ºC más) nel centru y tamién nel cordal.
El miércoles vamos tener una mañana soleyera con temperatures bien prestoses nuevamente pero, a lo llargo de la tarde, van entrar nubes pol suroeste que se van estender por tola Comunidá Autónoma. Estes nubes van dexar bastios nel oeste y nel cordal que van ser fuertes y acompañaos de nube. Nel restu ye posible que tamién acaben afectaos por estos bastios pero, en principiu, más probable nel tramu final del día y na madrugada del xueves.
