Ye obligación nuesa protexer y caltener uesu patrimoniu ñatural. Especies foriates, fora d’Asturies.
- Fonte: Lliga Celta d’Asturies/ / La Voz /
Especies invasores n’Asturies: un ataque per mar y aire. Viermes, aviespes, mosquitos y dellos tipos de plantes amenacien cola so rápida reproducción los paisaxes de la rexón, que llucha por caltener la biodiversidá.
Vierme (gusanu) dientro del moxón
Los viaxes intercontinentales son constantes y les relaciones ente puntos estremos del mundu son cada vez más fluyíes. Esta evidente ventaya nes comunicaciones tien un aviesu complicáu: la proliferación d’especies invasores en tolos ecosistemes. Y Asturies nun ye xuna esceición. Na rexón apaecen cada añu especies de too tipu, dalgunes de les cualos pueden resultar problemátiques non solo pal ecosistema sinón tamién pa la economía.
El vierme qu’ataca a los bivalvos.
El postreru gran quebraderu de cabeza llegó a Asturies en 2023 per vía marítima. En febreru d’esi añu, científicos de la Universidá d’Uviéu y el Serviciu Rexonal d’Investigación y Desenvolvimientu Agroalimentario d’Asturies (SERIDA) detectaron n’Avilés y en Xixón cuatro exemplares d’un pequenu vierme al que, por cuenta de la so escasa presencia, nun-y dieron importancia nesi momentu. Sicasí, poco tiempu dempués, yá s’atoparon 40 exemplares dientro d’agrupaciones de moxones, y empezó a faese evidente que podía ser un problema.
El vierme resultó ser un Postenterogonia orbicularis, orixinariu del Océanu Pacíficu. Yera la primer vegada que se detectaba n’Europa. En 2024, l’equipu encabezáu por Ricardo López-Alonso publicó les resultancies d’un estudiu qu’amosaba la presencia creciente del vierme na mariña cantábrica, y dende entós la presencia del animal foi n’aumentu. El monitoreo de la especie constató la so espansión: apaez yá en llugares como Llastres o la ría del Eo, y tamién en delles zones de la mariña gallega.
Lo que más caracteriza a la especie ye la so voracidad. Según López-Alonso, «cada individuu puede llegar a consumir hasta 0,5 gramos de moxón al día». Y la densidá de la so presencia nun ye pequena: «En dellos sitios detectemos un exemplar por quilu de moxón».
El vierme amuesa preferencia clara polos bivalvos. En NuevaZelanda constatóse la so presencia n’orca, moxones, amasueles, navayes y vieires. N’Asturies, enagora, ta estudiándose solo la so incidencia nes colonies de moxones y d’orca, y l’intención ye siguir más palantre comprobando cómo afecta a otros bivalvos. Los investigadores tán estudiando’l comportamientu d’exemplares en cautividá, pa identificar los sos vezos d’alimentación y saber a qué especies afecta en concretu y en qué midida pueden afectar.
Polo pronto, la estensión del vierme puede convertise nun problema non solo ecolóxicu sinón tamién económicu, porque l’acuicultura podría resentise descomanadamente. Les poblaciones de moxones tuvieron nos últimos años dificultaes pa crecer por faltes na alimentación, debíes en cierta midida a la incidencia del cambéu climáticu. La presencia del vierme ye otru contratiempu añedíu que podría afectar enforma al sector.
El problema ye que, nel hábitat marín, ye bien difícil atopar la forma de lluchar contra estes especies. «Si yá ye complicáu na tierra, nel mar son muncho más. Non puede ponese un filtru al océanu. Ye un sistema abiertu, y los invertebraos tienen bárabos que son microscópiques y non pueden penerase. Nun puedes usar tratamientos agresivos, porque cargues al restu d’especies, y amás afectes a lo que depués va destináu al consumu humanu», esplica López Alonso. Por eso, «non pueden controlase los daños y a lo qu’hai qu’aspirar ye a apangalos».
Sicasí, non puede sabese realmente si la especie va estendese o si va llegar a sumir col tiempu, porque ta fora del so hábitat y nun ta claru cómo se va a portar. L’investigador señala que nel mar Cantábricu hai cientos d’especies procedentes d’otros ecosistemes qu’acabaron enraigonando n’Asturies. Dalgunes d’elles afáense al ecosistema ensin estropialo y conviértense, a cencielles, n’especies exótiques. Ye cuando afecten a otres formes de vida del llugar nel que s’establecen cuando se converten n’invasores.
Aviespes qu’amenacien la diversidá.
Otru gran problema pal ecosistema asturianu foi la presencia creciente d’aviespes llegaes d’otres llatitúes, siempres más grandes y más agresives que les locales. El so principal peligru ye qu’amenacien a les colonies d’abeyes y, con elles, a la biodiversidá.
La postrera n’apaecer foi la Vespa soror, una especie d’avispón xigante proveniente del sudeste asiáticu, que tien fama de ser bien agresiva colos truébanos y amás tien un venenu bien potente que podría ser bien dañible pa los humanos. Un grupu de científicos de la Universidá d’Uviéu atoparon cuatro exemplares ente marzu de 2022 y ochobre de 2023 nuna trampa p’aviespes asitiada nel conceyu de Siero. Yera la primer vegada qu’apaecía n’Europa. A pesar de ser xuna amenaza potencial pa les abeyes y otros polinizadores, esta especie entá nun tien una presencia abondo esmolecedora.
Sí s’asitió con muncha más roxura la Vespa velutina. Esta aviespa fíxose bien famosa na última década, precisamente pola so capacidá reproductiva y tamién polos sos daños. Llegó a Asturies en 2014 y establecióse n’amplies zones de la rexón. Baste dicir qu’en 2023 neutralizáronse más de 12.000 niales de Vespa velutina, lo que fala bien a les clares de la so capacidá reproductiva y d’adaptación.
El mosquitu xaponés: un riesgu sanitario
Siero foi tamién escenariu de la primer apaición d’otra especie invasora problemática: l’Aedes xaponicus, un mosquitu que tien el potencial de tresmitir enfermedaes como’l virus del Nilo Occidental y el dengue. Por suerte, hasta la fecha nun se producieron casos d’andada d’esta enfermedá. La primer apaición rexistrose en 2018 en Siero, y dende entós confirmóse el so establecimientu n’Asturies, onde, al paecer les condiciones climátiques y les característiques de les esplotaciones ganaderes podríen ser bien favorables pa la especie.
Nesti casu, nun se trata tantu d’un problema pal ecosistema como un casu de salú pública. Esti mosquitu yá ta incluyíu nel plan nacional de vixilancia d’arbovirosis desenvueltu pel Centru de Coordinación d’Alertes y Emerxencia. Sicasí, anque puede picar a humanos y a animales, los espertos aseguren que tien menor riesgu qu’otros mosquitos que tán llegando a la península.
Plantes invasores: el desafíu silenciosu
Amás de los animales, tamién se fueron estendiendo pol territoriu asturianu munchos invasores vexetales. Hai delles especies con una facilidá pa espandise que supera toles midíes de prevención y toles actuaciones a posteriori que s’acometan. Y la so presencia puede, al igual qu’asocede colos animales, alteriar los ecosistemes, afectar a la biodiversidá y perxudicar l’agricultura.
Una de les plantes más estendíes, y de les primeres en llegar, ye’l plumeru de la Pampa. Tien xuna capacidá reproductiva estraordinaria. Cada exemplar ayudar del vientu pa esparder miles de granes a llargues distancies, y la so presencia ye bien visible nes marxes de carreteres y autovíes, d’onde salta a tou tipu d’espacios naturales. Atayar la so espansión ye bien complexu, y el Principáu llevó a cabu numberoses acciones pa retirar millones de plantes. Aun así, erradicales del paisaxe faise prácticamente imposible.
Otra planta estendida más allá de lo razonable ye la mimosa. Orixinaria d’Australia, llegó a Asturies como planta ornamental. Munchos xardinos acoyenla pola vistosidá de les sos flores, pol so arume y pola so capacidá pa crecer. Sicasí, naide cuntaba con que la so capacidá reproductiva fora convertise nun problema. Les sos granes s’espanden con muncha facilidá y agora ta afectando al ecosistema asturianu.
Tamién l’ailanto o árbol del cielu pasó de ser una especie ornamental a calificase como especie invasora. Esti árbol tien xuna facilidá estraordinaria pa reproducise y ye bien resistente a la contaminación. Ye habitual atopalo tamién nes marxes de carreteres y autovíes, y la so crecedera foi imparable hasta colonizar amplies árees del paisaxe asturiano.
Toes estes plantes, amás de mover a les especies autóctones, terminen per modificar los ciclos naturales de nutrientes y tienen un riesgu añedíu: la so espansión favorez l’espardimientu de quemes forestales.
El gran peligru de toes estes invasiones nun ye solo’l fechu de que plantes o animales nuevos muevan a los autóctonos. Nun ye solo un problema local. Como esplica Ricardo López-Alonso, el problema ye que «va haber un puntu nel que vamos a homoxeneizar los ecosistemes».
Esto sirve tantu para los marinos como para los terrestres. Cuando los sistemes son heteroxéneos, si asocede dalgún tipu de problema ambiental, ye más probable qu’unes especies afáiganse meyor qu’otres, y de esta forma la naturaleza defende meyor. Si nun hai esa variación, puede asoceder qu’un problema acabe afectando a toles especies y que nun se pueda lluchar contra él.
Por eso, tenemos de tar tar alerta y frenar na midida de lo posible esta colonización d’especies llegaes de toes partes. Ye difícil, y quiciabes teamos nun puntu de non torna. El científicu asturianu cree que, sía que non, toos tendríamos d’asumir parte d’esa responsabilidá y lluchar por caltener la biodiversidá qu’entá tenemos.
