Les vespes empiecen a tomar Xixón: Vespa World Days

Les cortes de tráficu para’l multitudinariu desfile del sábadu. La ciudá espera a más de 3.000 aficionaos llegaos de 37 países para un estensu programa d’actividaes qu’arrinca’l xueves. https://vespaworldclub.org/vwd25/ /El Comercio/ El Comercio  /

Aficionaos a les vespes de too el mundu empezaron a llegar a Xixón, que del 1 al 4 de mayu va convertise na capital internacional d’esti míticu y amáu modelu de motocicleta como see de los Vespa World Days.

Espérense más de 3.000 participantes, colos más madrugadores, llegaos de países como Francia ya Italia, esquizando yá la ciudá y sacándose semeyes nes característiques Letronas del Muelle. En total preven asistentes llegaos de 37 países, que van esfrutar na cortil ferial Luis Adaro d’un ampliu programa d’actividaes que se va complementar con rutes en moto por toa Asturies.

Horarios y cortes:
9.00-12.00 Corte del paséu del Dr. Fleming
10.30 Entamu de la ruta
10.20-11.20 Corte del Muriu, glorieta del Piles y salida escontra La Providencia
11.15-12.00 Cortes nel Tasqueru y baxada al Infanzón
1.25-12.30 Corte en Luis Moya

Una d’elles, especialmente vistosa tamién para la ciudadanía, va ser dafechu urbana y a manera de desfile poles cais de Xixón, dende la redolada de la cortil ferial hasta la Universidá Llaboral.

Va Tener llugar el sábadu, 3 de mayu, pela mañana y va traer delles cortes de tráficu. Según informó’l Conceyu de Xixón, dende los nueve de la mañana hasta’l mediudía va quedar zarráu por completu’l paséu del Doctor Fleming dende l’hotel ABBA hasta la ponte asitiada frente al Muséu del Pueblu d’Asturies.

Les motos van empecipiar el so percorríu a les 10.30 en dirección a la sablera a la sablera de San Llorienzo para percorrer tol Muriu, lo que va obligar a cortar mientres aprosimao una hora (de 10.20 a 11.20) los dos sentíos de circulación d’A. García Rendueles, según toles salíes escontra la sablera de cais como Eladio Carreño. La corte tamién inclúi la conexón de l’avenida de Castiella cola glorieta del Piles.

En pasando al pie de la sablera en sentíu d’ida y vuelta, el desfile va siguir pela carretera de La Providencia, onde tamién se cortará mientres una hora (de 10.20 a 11.20) el tráficu procedente de Somió. Dempués la ruta va siguir «en tráficu abiertu» hasta dos puntos especialmente conflictivos onde va haber cortes regulaos pola Guardia Civil: la redolada del Tasqueru y la baxada al Infanzón.

La previsión ye que la corte nestos puntos empiece a les 11.15 y enllargase hasta les 12.00, una vegada pasaren tolos motoristes. Dempués va siguise de nuevu en tráficu abiertu hasta la Universidá Llaboral, onde va ser necesariu cortar la circulación que xube por Luis Moya (de 11:25 a 12.30, aprosimao).

Dende la Universidá Llaboral les motos van tornar pola so cuenta a la cortil ferial, «nel horariu que quieran y respetando toles normes de circulación».

Un millar d’inscritos son españoles. El llistáu internacional lideralu Italia, con 570 fiches formalizaes, siguíu de Portugal (500) y Bélxica (260). En menor númberu, pero con mayor esfuerzu, van llegar tamién vesperos dende Australia, Hong Kong, China, Bangladesh, Noruega, Rusia y Turquía, ente les procedencies más exótiques.

«Fuimos unu de los principales fabricantes del mundu y la nuesa, la segunda afición por detrás namá d’Italia», esplicó ayeri’l xixonés Alfonso Murciego, presidente de Vespa Club Asturies y Vespa Club España, resaltando la fidelidá que siempres manifiesten los amantes d’esti modelu, que más allá d’un meru tresporte «ye una manera de vida».