L’Aemet activa l’avisu mariellu a partir de les 16 hores d’esti miércoles en tola franxa sur del Principáu por riesgu de precipitaciones y nubes. /tiempo en Asturias
Vamos concluyir el mes con una xornada estable de primeres anque, na recta final del día, van llegar bastios pol suroeste que se van estender a otres zones d’Asturies. Con éses vamos amanecer con cielos pocu nublos o inclusive estenos. A lo llargo de la mañana van poder apaecer intervalos de nubes altes ensin importancia. Mientres la tarde yá van empezar a reparase nubes de tipu medio y, finalmente, el cielu va tar dafechu cubiertu.
L’Axencia Estatal de Meteoroloxía va activar l’avisu mariellu a partir de les 16 hores nel suroeste y a partir de les 18 hores tanto nel cordal como na zona central del Principáu, por posibilidá de fuertes agües que podríen rexistrar hasta 20 llitros per metro cuadráu nuna hora, amás de la posibilidá de xarazo.
Comoquier, según los últimos modelos meteorolóxicos, lo más probable ye que los bastios nun lleguen al suroeste hasta últimes hores de la tarde, y al restu d’Asturies yá pela nueche.
Tocantes a les temperatures, van baxar les máximes salvo nel cordal y nel terciu oriental. Les mínimes, sicasí, van xubir. Los vientos van empezar soplando de sur pero van acabar siendo variables.
Mieres rexistra la temperatura más alto d’España n’una madrugada de valores tropicales.
