- culturaast y avanessagutierrez/ RTPA / LNE / La Voz /
🏛️ La conseyera de Cultura, Política Llingüística y Deporte, Vanessa Gutiérrez, 📚 acompañó esta tarde a la vicepresidenta del Principáu d’Asturies, Gimena Llamedo, na 46 edición del Día de les Lletres Asturianes 💙💛, xunto con una representación del Gobiernu d’Asturies, pa celebrar y reivindicar la riqueza de les nuestres llingües y cultura propia 🌄🎉
El Teatru Campoamor acueye un actu de llibre accesu que va tar protagonizáu pola música y la cultura asturiana y que pon el broche a una selmana d’actividaes que dan valor a la llingua. Nel Teatru Campoamor celebróse’l 46 día de les Lletres Asturianes, que completó la Selmana de les Lletres na que s’homenaxó al escritor Xosé Álvarez, ‘Pin’.
El presidente de l’Academia de la Llingua Astiriana dixo nel so discursu que tamos nun momentu históricu porque’l Día de les Lletres coincide cola tramitación na Xunta Xeneral de la reforma del Estatutu d’Autonomía p’acoyer la oficialidá del asturianu y del eonaviegu. Nel actu, tamién se dio acoyida, a los nuevos miembros de l’Academia.
Na ceremonia va dase acoyida a los nuevos académicos de l’Academia de la Llingua Asturiana (ALLA): dos numberarios, los investigadores y profesores Ruth González Rodríguez y Alberto Fernández Costales, y una correspondiente, la profesora y escritora Paquita Suarez Coalla. Los tres aceutarán los sos nomamientos na xunta d’académicos estraordinaria y pública que tradicionalmente s’alluga dientro del actu.
Depués de les intervenciones de los académicos y del presidente de l’ALLA, va actuar la banda de gaites de Navia La Reina del Truébano.
L’Academia de la Llingua reivindica una política llingüística «proactiva y urxente»
«Nun puede ser que la llingua que cuerre más peligru de desapaición sía la que menos midíes de protección y dignificación pon en marcha», dixo sobro l’asturianu y l’eonaviego, que cunten col respaldu llegal que representen, ente otros, la normativa europea». Tamién apuntó que los estudios sociolóxicos treslladen xuna «demanda repitida» d’esta política, ente otros, nel planu social, educativu y de los medios de comunicación
