- Fonte: Actualidá Asturies / videu n’asturianu / videu n’eonaviego /
Una bandera ye una manda texida colos filos
d’otres vides, d’otra xente, d’otres époques.
Un heriedu que nos abre un futuru compartíu.
Un compromisu colo que fomos y lo que vamos ser.
Una responsabilidá de medrar, de sumar,
de creyer en nosotres y nosotros.
Un símbolu de lo que somos.
Una bandera pa toles ocasiones.
El Gobiernu d’Asturies llanza una campaña para destacar y poner en valor la importancia del Día de la Bandera, que se conmemora’l 25 de mayu de 2025. Va espublizase al traviés de les redes sociales un vídeu grabáu en distintos paisaxes del Principáu con música de Xuacu Amieva y Ferla Megía. N’asturianu / N’eonaviego /
El vídeu, d’un minutu de duración, empieza con enseñar asturiana so la lluz d’un amanecer n’Asiegu (Cabrales) y remata col ocaso nel castru marítimu de Cabo Blanco (El Franco), en percorriendo parques, caminos y pumaraes amosando una tierra y el so símbolu como la casa de toos.
Cola voz del doblador de cine Mark Ullod nos trés idiomes: castellán, asturianu y eonaviego, y con La marcha de Brañes, de Xuacu Amieva, como banda sonora versionada tamién pol artista Ferla Megía, el vídeu enfatiza el sentimientu de pertenencia y d’identidá qu’acompaña a la bandera.
Con esta campaña, l’Executivu quier destacar la importancia de la bandera del Principáu como símbolu d’unión y fortaleza de la ciudadanía, y el so valor como emblema d’unu de los finxos de la comunidá, l’alzamientu de la Xunta Xeneral contra la invasión francesa de 1808, acontecimientu históricu que dio orixe a esta enseña.
La bandera d’Asturies ye un símbolu que representa la hestoria, tradiciones y cultura del Principáu. Promover la so celebración refuerza’l sentíu de pertenencia de los asturianos y asturianes y fortalez la conexón emocional cola so tierra. Con esta campaña contribuyise a que la población, especialmente les nueves xeneraciones, conozan y siéntanse arguyoses de los sos raigaños.
