El xueves, tal que taba previstu, rexistremos n’Asturies unes temperatures totalmente anómales más propies del mes de xunetu que de finales de mayu. D’esta forma, foi’l día más templáu de lo que va d’añu. En Tinéu anotáronse 35,5 ºC, en Mieres y en L.lena 34 ºC. En munches poblaciones del interior algamaron los 30 ºC y ye el casu tamién d’Uviéu onde se llegaron a rexistrar 31,4 ºC. En zones costeres, les temperatures tamién fueron templaes pero non tan intenses.
Esti vienres les máximes van baxar hasta 5 o 6 ºC. Poro, entá va haber localidaes que ronden los 30 ºC, pero en munches otres yá nun van consiguir pasar de los 25 o 26 ºC. Amás, prevese nubosidá d’evolución con bastios que podríen aportar a localmente fuertes pero irregularmente partíos. Estos bastios van poder venir acompañaos de nube y raches fuertes de vientu localmente. L’Axencia Estatal de Meteoroloxía va activar l’avisu mariellu por diches nubes. Les temperatures van siguir baxando’l sábadu y, sobremanera, el domingu cuando va ser difícil superar los 20 ºC na mayor parte del Principáu.
