La serie d’animación ‘Heidi’ cumple 50 años nel nuesu país

Cincuenta años del estrenu d’Heidi nel nuesu país, poques sintoníes son tan capaces de treslladate automáticamente a la to infancia como esta. Foi dirixida por Isao Takahata y nella collaboró Hayao Miyazaki, los futuros creadores de Studio Ghibli. Básase na novela de la suiza Johanna Spyri y estrenóse en 1974 en Xapón.

El responsable d’esi ésitu foi Isao Takahata (La tumba de las luciérnagas), director de la serie, que llogró trescalanos y prestanos con esta neña qu’esbardiaba entusiasmu para superar tolos apulmonamientos colos que la vida l’atosigaba episodiu tres episodiu.

Y cuntó cola collaboración del so gran amigu Hayao MIyazaki (El viaxe de Chihiro, El mozu y la garza), xuntu al qu’acabaría fundando, en 1985, el famosu Studio Ghibli, que camudaría la hestoria de l’animación.

» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture; web-share» referrerpolicy=»strict-origin-when-cross-origin» allowfullscreen /iframe]

Amás de la fuerza d’esi personaxe principal, la serie foi un ésitu porque esbardiaba una guapura estilística que nun viéramos antes na pequena pantalla. Con esos bellísimos paisaxes de los Alpes y esos personaxes a los que queríamos llevanos a casa namás velos.

Pa llograr esa fidelidá a los paisaxes de los Alpes, Isao Takahata viaxó a principios de la década de los 70 a Suiza, pa tomar apuntes de los paisaxes naturales onde trescurre l’acción. Na serie pueden reconocese paisaxes de la comuña de Mainfeld (y la so famosa estación de tren), l’aldega de Heididorf, ya inclusive la cabana del güelu nel monte, qu’anguaño pueden visitase nuna ruta turística que se conoz como Heidiland.

Al pie de esa Heidi que nun se rindía ante nada, toos recordamos a los maraviyosos secundarios de la serie, como’l so indixebrable Pedro, el neñu cabreru, o la so amiga inválida Clara, que yera millonaria y vivía nuna enorme casona. Al pie de ellos aprendería la importancia de valores como l’amistá o la solidaridá. Y va arimar a toos esa allegría que lo faía tan especial.