El 10 de mayu de 1900 naz l’astrónoma Cecilia Payne-Gaposchkin, qu’afayó’l secretu de les estrelles: la so composición. La so Tesis de Doctoráu foi considerada nel so momentu como «la más brillosa tesis doctoral escrita nunca n’Astronomía».
Cecilia Payne-Gaposchkin: wiki / Muyeresconciencia / National Geographic /
Astrónoma y astrofísica anglu-estadounidense. Na so tesis doctoral de 1925 propunxo que les estrelles taben compuestes principalmente d’hidróxenu y heliu. La so innovadora conclusión foi refugada primeramente porque contradicía la ciencia de la dómina, que sostenía que nun esistíen diferencies elementales significatives qu’estremaren al Sol de la Tierra.
Observaciones independientes acabaron demostrando que tenía razón. El so trabayu sobro la naturaleza de les estrelles variables foi fundamental pa l’astrofísica moderna. Esti trabayu foi consideráu nel so momentu como «la más brillosa tesis doctoral escrita nunca n’astronomía».
Amás d’una gran astrónoma, foi una gran lluchadora contra de la discriminación escontra les muyeres. Convertiose na llave del cambéu de la Harvard University y una inspiración para miles de grandes muyeres científiques. La so gran pasión pola astronomía convertiola n’una científica incansable.
Según dixo’l día que recibió’l premiu Rusell:
«El pagu del nuevu científicu ye la escitación y emoción
que se siente al ser la primer persona na hestoria
en ver o entender una cosa nueva.
Nada puede comparase a esa esperiencia».
