- Emerxencia química n’Asturies: este ye’l mensaxe que te va llegar al móvil si vives nestes zones.
- El serviciu d’Emerxencies avisa d’un simulacru el próximu miércoles 28 de mayu. Fonte: LNE /
«SIMULACRO. ACTIVACIÓN SIRENA QUÍMIQUES.
A partir de les (**) hores van sonar les serenes.
YE UNA PRUEBA.».
El Serviciu d’Emerxencies del Principáu d’Asturies (SEPA) va realizar el miércoles, 28 de mayu, ente les 10.00 y les 12.00 hores, un exerciciu d’activación del Sistema Acústicu d’Avisos a la Población (SAP), diseñáu pa sollertar en casu d’accidente grave n’industries con riesgu químico incluyíes na normativa Seveso.
L’oxetivu principal del simulacru ye familiarizar a la población de les zones afectaes col soníu de les serenes y recordar les principales midíes d’autoprotección, que nesti casu consisten prioritariamente nel confinamientu n’espacios zarraos.
- L’exerciciu va sirvir tamién para comprobar el correctu funcionamientu de la rede de serenes, compuesta por 28 dispositivos instalaos en puntos estratéxicos de cuatro árees d’influencia: Avilés, Xixón, Uviéu y Balmonte.
- La prueba va realizase de forma secuencial y va consistir na activación conxunta de les serenes nestes zones, dexando valorar la so efectividá para emitir una alerta rápido ya inmediata énte un incidente grave con posible afección al esterior.
- L’activación va llevase a cabu dende’l Centru de Coordinación del 112 Asturies del SEPA, allugáu en La Morgal, dende l’aplicación instalada al efeuto.
- Mientres el simulacru, les serenes van emitir dos señales distintes: una pa indicar l’entamu de l’alerta -lo que va implicar la midida de confinamientu como protección- y otra pa señalar la so finalización.
