Vamos estremar la xornada en dos partes.
- La mañana va ser estable con cielos pocu nublos o estenos, anque nun se refuguen delles borrines a primeres hores de la mañana nes zones más propenses.
- Pero, a partir del mediudía, la nubosidá d’evolución va dir a menos a más hasta estendese por tola Comunidá Autónoma. Estes nubes van dexar bastios que podríen ser d’orixe tormentosu y acompañáu de xarazo de cara a la tarde. El sector más afectáu va ser l’occidental, anque tamién podríen llegar a la zona central.
- Ello ye que a partir de les 15:00 hores, l’Axencia Estatal de Meteoroloxía va activar l’avisu mariellu tanto na mariña occidental, como nel suroccidental y na zona central de Principáu, por posibles bastios localmente fuertes que podríen rexistrar hasta 15 llitros per metro cuadráu nuna hora, pudiendo venir, como dicíamos, acompañaos de nube y de xarazo.
- Tocantes a les temperatures, prevese un claru ascensu térmicu d’hasta 3 o 4 ºC más que les máximes anotaes del sábadu. Les mínimes apenes van variar.
- Los vientos van predominar de sur nel cordal y de nordeste na mariña.
- El llunes vamos empezar la selmana tamién con bastios y un descensu de les temperatures notable.
- El martes prevese bon tiempu.
