Vamos esfrutar d’un día soleyeru en tol Principáu d’Asturies. Los cielos van tar pocu nublos dende primer hora de la mañana, sacantes la posibilidá de delles borrines que podríen apaecer en zones del interior y que se van estenar rápido. Los vientos van ser fluexos polo xeneral pudiendo predominar de norte o noroeste. Les temperatures máximes van xubir de forma xeneralizada. Dichu ascensu va ser de más de 4 ºC en tol interior, pudiendo ser inclusive d’hasta 6 ºC nel suroccidente. Na mariña y proximidaes les temperatures van xubir de forma más moderada (hasta 2 o 3 ºC más respectu al vienres). Poro, van superase los 20 ºC con facilidá en munches poblaciones asturianes.
El domingu vamos empecipiar el día tamién con claros pero, debíu al pasu d’un frente fríu pocu activu a lo llargo de la mañana, prevese nubosidá que va cubrir tol cielu asturianu. Estes nubes, anque va ser pocu probable, podríen dexar delles precipitaciones bien débiles y aisllaes. Los vientos van predominar de norte-noroeste nuevamente con intensidá fluexa. Les temperatures máximes van baxar nel terciu sur y nel occidente, calteniéndose ensin cambeos nel restu. Les mínimes, mañana domingu, van xubir en tola rexón y, bien especialmente, na zona central.
