Esti domingu va traer consigo escamplaes nel cielu al espertanos. Pero, conforme meyora’l día, van entrar nubes pol occidente que se van dir estendiendo al restu. Concretamente, esti aumentu de la nubosidad va deber al pasu d’un frente fríu poco activu que va tener llugar a partir del mediudía y que va dexar xuna tarde nubosa y con orbayos n’Asturies. Nun van ser precipitaciones bien significatives pero sí que podríen faer actu de presencia. Los vientos van empezar de componente oeste pela mañana pero, col pasu del frente, van afitar de noroeste con raches moderaes na mariña y fluexes nel interior. Les temperatures máximes van baxar en tola metá sur asturiana y van caltenese nel restu. Les mínimes van xubir de forma inclusive notable nel interior central, y moderadamente nos demás sectores de la rexón.
