Esti llunes vamos empezar la selmana con más chubascos pero, sicasí, nada van tener que ver les temperatures cuidao que se preve un descensu xeneralizáu y notable de les máximes. En tol interior van baxar más de 6 ºC al respective de les anotaes el domingu, inclusive va haber zones que puedan baxar hasta 8 ºC menos. Na mariña tamién van baxar pero de forma más moderada. Poro, güei va haber poblaciones n’Asturies que nun lleguen a algamar los 20 ºC. Les mínimes, pela so parte, van xubir de forma llixera a moderada en casi tol Principáu. Los vientos van predominar de noroeste-oeste, fluexos nel interior y moderaos na mariña. A última hora, xornada marcada pola posibilidá de bastios d’orixe tormentosu (que van dir de más a menos mientres el día) y por un descensu xeneralizáu de les temperatures.
