Esperamos intervalos nublos de primeres con más claros cuanto más movamos escontra’l sur de la rexón. A lo llargo del día, les nubes van dir aumentando y van estendese per gran parte del Principáu. A final de la xornada espérase que s’abran escamplaes dende la mariña. Tocantes a les precipitaciones, van ser prácticamente nules. Sía que non, y anque ye bien pocu probable, nun se refuga que pueda escapase dalguna gota insignificante escontra l’interior oriental. Los vientos van ser fluexos, predominando de nordeste na mariña. Les temperatures mínimes van baxar na zona central y nel cordal, calteniéndose ensin cambeos nel restu. Les máximes van ser prácticamente idéntiques a les del xueves.
El sábadu, va ser un día soleyeru dende primer hora de la mañana. Namá, van apaecer borrines mañaneres na zona central del Principáu que se van estenar rápido. Les temperatures máximes van xubir de forma xeneralizada, y van #facer especialmente nel interior onde podríen xubir hasta 4 o 5 ºC más qu’esti vienres. Na mariña, l’ascensu va ser más moderáu. Tiempu estable tamién para’l domingu anque les nubes van dir de menos a más.
