- Alborecemos con dalgo de nubosidá estratificada, tando más escampláu na cordelera y fastera surocidental d’Asturies con unes temperatures que tan alrodiu de los 14ºC, rexistrándose nel puirtu Payares 6,2ºC.
- Güei pali que pali dirán dixebrándose los estratos del alborecer pa dexanos un día soleyeru y perguapu anque’l cielu tará dalgo empuercáu por nubes altes con unes temperatures que tienden a subir ya col aire que sedrá de componente norte con dalguna racha moderada nel llitoral.
- Mañana miércoles vamos tener un día mui asemeyáu con dalgún intervalu nuboso pero con predominiu de los grandes claros o abancios. Les temperatures camudarán poco y l’aire del norte-nordés pue soplar dalgo cafiante pela costa.
- El xueves ascensu bultable de les temperatures con unes temperatures másimes qu’algamarán los 30ºC en munches zones d’Asturies, amás el cielu va tar escampláu y llimpiu durante tol día, sicasí puen surdir nublines d’advención na primer llinea la costa pola diferencia de temperatura del agua del mar y la tierra.
- El vienres volveremos a pasar muncho calor nel interior asturianu con temperatures más contenies na costa y pela tarde puen surdir nubes de desendolque y dexanos xarabatos de calter tormentosu.
- El sábadu y domingu descenderán les temperatures bultablemente ya tendremos el cielu nuboso con precipitaciones de cara al domingu pero esto yá lu diremos viendo.
