El próximu 10 de mayu a les 18:30h, La Benéfica enllénase de teatru cola llegada del Grupu Ceceda Pueblu Astur, compañía formada por vecinos d’ente 6 y 86 años, que nos trai de baldre la obra «Los títeres de Cachiporra» de Federico García Lorca.
Baxo la dirección de Mónica Álvarez Mendívil, esti grupu diversu y entusiasta va representar esta divertida farsa pensada orixinalmente pa títeres, na que Rosita llucha pol so amor por Cocoliche mientres el pá intenta casala col temíu Don Cristobita. Una obra enllena d’humor y crítica social, onde Lorca pon n’evidencia les inxusticies que recaen sobre la muyer nuna sociedad patriarcal. 
Abrimos les puertes a les 18.00, entrada de baldre y pa tolos públicos.
