- Academia de la Llingua Asturiana/ ficha ALLA / 373 páxines /
L’Academia de la Llingua Asturiana (ALLA) publica’l primer tomu de la reedición, correxida y ampliada, de la «Historia de la Lliteratura Asturiana». Dos décades dempués de la so publicación nel añu 2002, escosada la primer edición, anóvase incorporando les novedaes apaecíes nos años caberos.Nesti tiempu fueron munchos y mui importantes los testos recuperaos, asina como los trabayos y estudios críticos que sobre la lliteratura asturiana fueron viendo la lluz. Por mor de la bayura d’estes novedaes, preséntase la obra en dos volúmenes.
Consulta’l llibru nel catálogu de l’ALLA: https://shorturl.at/Bk3ow
