Los vaqueros de Gozón yá abrieron el plazu para inscribise na Ruta de los Vaqueros d’Alzada que se va celebrar el próximu día 17 de mayu y que va escurrir ente l’antigua braña d’iviernu de Les Cabañes (Verdicio) y San Jorge d’Eres. L’actividá va cuntar con serviciu d’autobús totalmente gratuitu.
Los vaqueiros d’alzada d’Asturies constitúin un grupu humanu asturianu de fondos raigaños y costumes ancestrales que los sos oríxenes entá son motivu d’estudios. Los vaqueiros d’alzada fueron y son los verdaderos guardianes del paraísu natural que ye güei Asturies. La so actividá ganadera y les amplies camperes polos que transitaron mientres sieglos na alzada contribúin a caltener intacta una naturaleza que güei ye’l mayor patrimoniu de los asturianos. http://www.vaqueiros.es
