- Vamos concluyir la selmana con una xornada marcada tantu pola posibilidá de bastios como pol descensu de les temperatures máximes. Con éses prevense cielos nublos con bastios que, anque van afectar especialmente a la metá sur asturiana, nun se refuga que s’estiendan a otres zones de forma puntual. Estos bastios van poder venir acompañaos de nube y, inclusive, nun se refuga la posibilidá de xarazo. Los vientos van afitase de norte. Les temperatures van baxar nel casu de les máximes ente 2 y 3 ºC na mayoría de poblaciones asturianes. Les mínimes nun van esperimentar cambeos al respective de les anotaes el sábadu.
- El llunes vamos tener un día fríu con cielos bien nublos o cubiertos que van dexar precipitaciones débiles pero continues que, a priori, van ser muncho más frecuentes escontra l’oriente. Ello ye que el sector suroccidental va ser el menos afectáu por estes agües.
- Les temperatures van baxar tanto les máximes como les mínimes.
- La cota de nieve va empezar sobro los 1700 o 1800 metros d’altor, pero va dir baxando hasta asitiase sobro los 1200 metros a la fin del día.
- Los vientos van predominar de componente norte, sobremanera a partir del mediudía.
