- Esperamos una xornada soleyera pela mañana en prácticamente tol Principáu d’Asturies.
- A lo llargo de la tarde va apaecer nubosidá d’evolución nel cordal que, anque nun va llegar a afectar a tola rexón, sí siquier va estendese pola metá sur asturiana. Estes nubes, anque va ser difícil, nun se refuga que puedan dexar dalguna precipitación débil y aisllao (especialmente nel cordal).
- Los vientos van ser fluexos nel interior, y moderaos de nordeste na mariña pudiendo algamar los 50 km/h.
- Les temperatures máximes van xubir ente 2 y 3 ºC de forma xeneralizada, anque nun se refuga que puedan xubir daqué más nel cordal oriental y l’estremu más occidental. Les mínimes van sufrir descensos llixeros y locales.
- El xueves volveremos tener una mañana soleyera anque, a primeres hores nun se refuguen delles borrines mañaneres nes zones más habituales pero que rápido van sumir.
- De cara a la segunda metá del día la nubosidad d’evolución va dir aumentando y podría llegar a cubrir tola Comunidá Autónoma. Prevense bastios nel cordal y otres zones del sur.
- Les temperatures máximes van ser bien similares a les del martes, y les mínimes van xubir. Los vientos volverán soplar de nordeste, sobremanera a partir del mediudía.
