Vamos amanecer con cierta nubosidá baxa, estes nubes van menguar rápido polo que se van abrir grandes claros mientres la mañana. Pero a lo llargo de la tarde preve l’aumentu de nubes hasta cubrir el cielu asturianu prácticamente por completu. La probabilidá de precipitaciones va ser bien escasa pero nun se refuga que pueda escapase dalguna gota poco importantes a la fin. Los vientos van ser fluexos predominando de noroeste con dalguna racha moderada na mariña. Les temperatures máximes van caltenese ensin cambeos respecto al vienres, ente que les mínimes van baxar en tol occidente y nun van variar nel restu.
El domingu vamos concluyir la selmana con una xornada marcada por#intervalu nublos polo xeneral, anque con grandes claros escontra’l cordal (siquier mientres la mañana). Los vientos van soplar de nordeste fluexos, aumentando la so intensidá a lo llargo del día na mariña especialmente. Les temperatures máximes van xubir un poco nel terciu sur asturianu que va ser onde se preve que rellume’l sol, y van caltenese ensin cambeos nel restu. La próxima selmana les temperatures van tender a l’alza pudiendo llegar a los 30 ºC el martes.
