Esperamos una xornada bien calorosa en prácticamente tol Principáu. Ye por ello polo que l’Axencia Estatal de Meteoroloxía va activar l‘avisu mariellu a partir de les 13 hores tantu nel suroccidente, como nel cordal y na zona central d’Asturies. Les temperatures máximes podríen llegar a algamar, ya inclusive superar, los 34 ºC. En cuanto al estáu de los cielos, esperamos cielos pocu nublos o estenos na metá sur, ente que na metá norte va amanecer con nubes baxes. Asina tou, esta nubosidad rápido va dise estenando siendo namá na mariña onde más-y costar abrir.
A lo llargo de la tarde va entrar nubosidad d’evolución dende’l cordal que podría dexar bastios tormentosos y acompañaos de xarazo. El suroeste y el cordal va tar tamién so avisu mariellu pola posibilidá de diches nubes, anque podríen afectar a otros puntos de la rexón. Los vientos van ser fluexos.
El llunes va ser otru día bien calorosu onde volverá activase l’avisu por calor nos mesmos sectores por temperatures que podríen algamar los 34 ºC y, inclusive, nel suroeste podríen superar los 36 ºC. Tamién va haber posibilidá de bastios tormentosos
