El 30% de los enllaces espublizaos n’Internet fai más d’una década desapaecieron. Iniciatives ensin ánimu d’arriquecimientu intenten archivar webs antigües. Cada día miles de páxines web desapaecen ensin dexar rastru. La razón los enllaces podres, resultáu de servidores ensin caltenimientu, dominios ensin anovar y tecnoloxía en desusu. Daniel Gayo-Avello, profesor del Departamentu d’Informática de la Universidá d’Uviéu, revisó los enllaces qu’él xubiera a la rede los postreros 17 años.
Comprobó que la información yera inaccesible nun 25% y un 30% de los espublizaos pasaos 10 años, cifra asemeyada a tola rede.
El fenómenu pasa desapercibíu pal públicu polo xeneral, pero tien enormes implicaciones. El so encamientu ye faer usu d’iniciatives ensin ánimu d’arriquecimientu que dexen ver páxines webs antigües y caltener el rexistru históricu.
