El presidente Adrián Barbón escoyó a #EvaLedo pa guiar una nueva etapa al frente de la Conseyería d’Educación y poner en marcha los compromisos alcanzaos para fortalecer la enseñanza pública.
La nueva conseyera, que tien amplia esperiencia en llabores de gobiernu, va tomar posesión el próximu llunes col mandatu de caltener abiertos los calces de diálogu coles organizaciones sindicales y tola comunidá educativa.
El presidente del Principáu d’Asturies, Adrián Barbón, escoyó a Eva Ledo para emponer la nueva etapa de la Conseyería d’Educación y poner en marcha todo los compromisos recoyíos nel preacuerdo alcanzáu colos sindicatos para fortalecer el sistema educativu públicu. La nueva conseyera d’Educación va tomar posesión el próximu llunes, 16 de xunu, antes de la xunta del Conseyu de Gobiernu.
Nuna rueda de prensa celebrada esta tarde, Barbón valoró la esperiencia de gobiernu de Ledo, a quien estimó’l pasu alantre y encamentó-y caltener los calces de diálogu reabiertos col personal docente y les organizaciones sindicales tres el preacuerdo algamáu’l llunes, “que supon un pasu fundamental”.
“La nueva conseyera cree na educación pública asturiana, ye bien respetada y valorada y estímolu descomanadamente qu’aceptara, porque ella foi la única opción sobro la mesa”, esplicó’l xefe del Executivu.
Eva Ledo (Avilés, 1966) ye inxeniera industrial especializada n’Eletricidá. Dende 1995 ye funcionaria de carrera del Cuerpu de Profesores d’Enseñanza Secundaria nes especialidaes de Tecnoloxía y Sistemes Electrónicos y Automatismos y forma parte del cuerpu d’Inspectores d’Educación dende 2014. Foi directora xeneral de Personal Docente y de Centros y Rede 0-3 años, según presidenta del Conseyu d’Asturies de la Formación Profesional.
Hasta agora exercía como subdireutora xeneral de Programes y Xestión del Ministeriu d’Educación y tamién tien esperiencia nos ámbitos de la siderurxa, la informática y l’inxeniería de proyectos.
