- Esperamos amanecer con cielos bien nublos salvu nel terciu sur onde yá va empezar el día con sol.
- Conforme meyora la mañana, sobremanera a partir del mediudía, van abrise grandes claros en tola rexón. Eso sí, van apaecer intervalos de nubes altes insignificantes que podríen dexar el cielu atapecíu.
- La probabilidá de precipitaciones va ser bien baxa y, sía que non, nun se refuga que pueda escapase dalgún bastiu nel cordal pela tarde. Los vientos van soplar de nordeste-esti na mariña con raches moderaes.
- Nel interior, los vientos van ser fluexos polo xeneral.
- Tocantes a les temperatures, van xubir les máximes en tol Principáu y van facer de forma significativa nel sur y nel suroccidente asturianu. Les mínimes apenes van variar al respective de les anotaes el domingu.
- El martes volveremos amanecer con cielos nublos en gran parte de la rexón, pero rápido esta nubosidad dirá estenándose polo que’l sol va cobrar protagonismu a la fin de la mañana.
- Pela tarde vamos tener nubosidad d’evolución con posibilidá de nubes y xarazo nel cordal y con posibilidá de que s’estiendan al restu del interior de forma puntual.
- Les temperatures máximes van xubir hasta 4 o 5 ºC más que’l llunes, de forma que se van superar con facilidá los 25 ºC en munchos puntos d’Asturies.
- Les mínimes tamién van xubir. Estes temperatures branices van siguir tamién el miércoles.
