- Alborecemos col cielu cubiertu y dalgún xarabatu de calter tormentosu na cordelera con unes temperatures altes, alrodiu de los 18ºC, rexistrándose nel puirtu Payares 17,6ºC.
- Güei vamos tener cierta inestabilidá que fadrá que medren les nubes de desendolque ya tengamos dellos xarabatos de calter tormentosu irregularmente rapartios ya de manera ocasional, ente medies tendremos nubes ya claros o abancios ellí onde nun se presente’l borrín y la nublina con unes temperatures altes que rondarán los 25-27ºC de másima en zones del interior, dalgo más contenies na costa.
- Mañana xueves tará más seliquino pela mañana con nubes ya claros nel cielu, pa dir desendolcándose les nubes a partir del mediudía cola posibilidá de dexanos dalgún xarabatu tormentosu pela tarde con unes temperatures que camudarán poco ya col aire del norte-nordés sele en xeneral.
- El vienres sedrá un día mui asemeyáu, sicasí pue haber dalgo más de nubosidá y un descensu llixeru de les temperatures que sedrá más bultable el sábadu cuando nun se descarta dalgo d’orpín.
