- Alborecemos col cielu nuboso ya con unes temperatures que tan alrodiu de los 13ºC, rexistrándose nel puirtu Payares 9ºC.
- Güei vamos tener el cielu nuboso cola apertura de dellos claros o abancios sobre too pela tarde con unes temperatures n’ascensu más acusáu nel interior. L’aire pue soplar con dalguna racha moderada na costa con predominiu de la componente noroeste.
- Mañana vienres tendremos nubes ya claros o abancios con aumentu de la nubosidá pela tarde que pue dexanos dalgo d’orpín al atapecer. Les temperatures camudarán poco con másimes sobre los 22ºC y l’aire sedrá del nordés con dalguna racha moderada nel llitoral.
- El sábadu tará más escampláu pela mañana con aumentu de les nubes de tarde y el domingu l’aire nordés llimpiará’l cielu pa dexalu poco noboso o escampláu na costa y zones altes con dalgo más de nubes na fastera central asturiana.
