Güei fae 40 años que xunímonos a la Xunión Europea nun proyeutu basáu na paz, el respetu, la tolerancia, la diversidá, la solidaridá… y tolos valores que los/es europeos y europees integramos y defendemos.
Nun too ta bien fecho nin too ye un camín de roses. Hai delles coses dientro de la XE qu’hai que dir puliendo y/o camudando, sicasí, ye un proyeutu nel que siéntome integráu, siento que formo parte d’él y toi arguyosu de la mio condición d’européu y miembru d’esi proyeutu federalista de la XE.
Güei caltengo’l punxu, espero amalgar esos oxetivos europeos que tanto ilusiónanos a dellos millones d’europeos y d’europees que lu sofitamos.
Asturies ye europea, nós somos europeos y entá tamos construyendo y ameyorando esi proyeutu federal pente toos y toes.
Puxa Europa!
La bandera de la Unión Europea (UE) consta de 12 estrelles doraes en círculu sobro un fondu azul. Estes estrelles representen la unidá, la solidaridá y l’harmonía ente los pueblos d’Europa, anque nun tienen relación col númberu de países miembros.
La bandera de la UE, tamién conocida como bandera europea, foi diseñada en 1955 por Arsène Heitz y foi adoptada formalmente pol Conseyu d’Europa y darréu pola Comunidá Europea en 1986. El númberu dolce, que nun ta rellacionáu col númberu de países miembros, simboliza la perfección, la unidá y la totalidá.
A pesar de que la UE amplióse col tiempu, el númberu d’estrelles na bandera permanez constante, yá que representa los ideales d’unidá y non los países miembros. La bandera ye un símbolu de la integración europea y utilízase en diversos eventos y llugares, tanto dientro como fora de la UE.
