Les asturianes María Méndez y Lucía García, na llista de Tomé para la Eurocopa. Les dos xugadores caltiénense nos planes de la seleccionadora para un tornéu onde España vuelve ser la gran favorita. Fonte: El Comercio
Llega la hora de la verdá para la Selección española. A partir del próximu 2 de xunetu, l’equipu empobináu pola asturiana Montse Tomé va engarrar en Suiza pola corona continental na Eurocopa femenina. Un tornéu para’l que la seleccionadora iguó una llista de 23 futbolistes, na que se caltien al completu’l núcleu de la última convocatoria, los dos asturianes habituales nes llistes: la defensa María Méndez y la delantrera Lucía García.
La defensa consolidóse como una de les pieces claves para Tomé, que yá apostaba pola uvieina cuando xugaba nel Llevante y agora sigue faciéndolo en dando un pasu adelantre na so carrera en fichando pol Real Madrid. Anguaño apostó col cuadru blancu 24 partíos, anotando cuatro goles
Pela so parte, la delantrera d’Ayer nun perdió como otres compañeres el tren de la Selección a pesar d’optar por siguir la so carrera en tierres mexicanes. Nel Rayaes, de la lliga MX Femenina, Lucía recuperó l’olfatu goliador y eso ye unu de los argumentos que llevaron a Montse Tomé a caltenela na llista de cara al máximu troféu continental.
Una competición qu’España nel so meyor momentu en más d’un añu. El fracasu de los Xuegos Olímpicos, nel que se quedó ensin xubir al podiu a pesar de la so condición de máxima favorita, foi una llombada difícil de dixerir. De magar, el xuegu de la selección atopábase bien llueñe d’aquel equipu que maravió al mundu y esprendía sensación d’imbatibilidá. Sicasí, el recién parón nel qu’España cerró la fase de grupu de la Lliga de Naciones sirvió a les de Tomé para anubrise de moral y fundamentos de cara a la cita continental.
Antes de viaxar a Suiza en busca de la so primer Eurocopa, la selección española va midir a Xapón en Leganés nel so postreru ensayo’l vienres 27 de xunu. Yá en tierres helvétiques, les vixentes campeones del mundu y de la Nations van enfrentar na fase de grupos del tornéu continental a Portugal (3 de xunetu), Bélxica (7 de xunetu) ya Italia (11 de xunetu).
