- @CopaeAsturias #agriculturaecológica #medioambiente #educación
El Conseyu de la Producción Agraria Ecolóxica del Principáu d’Asturies (COPAE) y Caxa Rural d’Asturies apurrieron el Premiu «Grana d’Innovación nel Güertu Escolar» al Colexu Públicu L’Ablanu d’Infiesto, en reconocencia al so proyectu «L’Ablanu llévate al güertu», una iniciativa educativa qu’integra sostenibilidá, inclusión, circularidá y participación comuñal al traviés del güertu escolar ecolóxicu.
https://www.bioecoactual.com/wp-content/uploads/2025/06/premio-copae-huerto-escolar.jpg
El premiu, dotáu con un cheque de 400 euros, microscopios escolares, dos mididores de pH para’l suelu y una placa conmemorativa, foi apurríu esta mañana n’el mesmu centru educativu, nun actu nel que participaron representantes del COPAE, de Caxa Rural, profesoráu y dirección del centru y alumnáu.
El proyectu galardonáu destaca pol so enfoque tresversal ya integrador, onde’l güertu escolar convertiose nuna redolada viva d’aprendizaxe. La comunidá educativa participa viviegamente n’actividaes como compostaxe de borrafes orgániques, creación de xardinos de polinizadores, llamargues d’anfibios, hoteles d’insectos, patrulles de reciclaxe y xornaes de voluntariáu ambiental en collaboración col Conceyu de Piloña y l’AMPA del centru.
«L’Ablanu llévate al güertu» consolidóse como’l filo conductor de la vida escolar nel centru, integrando conteníos curriculares, fomentando vocaciones científiques (STEAM) y promoviendo valores como la equidá, la sostenibilidá, l’alimentación saludable y el respetu pola diversidá. Amás, el compost xeneráu nel colexu —ente 3 y 4 tonelaes el cursu pasáu— vuelve al güertu como fertilizante, y los productos cultivaos peracabaren n’el mesmu comedor escolar.
El galardón forma parte de les actividaes de la Rede de Güertos Escolares Ecolóxicos Caxa Rural d’Asturies, impulsada pol COPAE col sofitu de Caxa Rural d’Asturies, y qu’arrexunta a barganal de 150 centros educativos. La rede trabaya por que los güertos escolares ecolóxicos sían espacios d’aprendizaxe y tresformamientu con impactu real na redolada.
https://www.bioecoactual.com/wp-content/uploads/2025/06/huerto-escolar-copae.jpg
