Nel colexu ye perimportante deprender a organizar les llibretes y carpetes, la nuesa mochila de clas, recoyer la mesa del cole, collaborar. Pequeñes xeres del día a día nuna clas onde compartimos espaciu y materiales un montón de xente. En casa, a recoyer la cama, guardar los xuegos, ayudar a poner y recoyer la mesa… Esto nun ye solo una “etapa”. Ye un reflexu d’algamar vezos básicos de responsabilidá. Hai que cumplir coles xeres y facese cargu del nuesu espaciu y les nueses coses. Ye preparación pa ser autónomos y vivir en comuña.
A les families…
- Formar vezos nun ye imponer dende l’enoxu, sinón acompañar dende la presencia constante.
- Educar nun ye glayar cuando nun lo fai, ye amosar cómo se fai, emponer de primeres, correxir con respetu, retirase con enfotu.
- Dacuando confundimos autoridá con rixidez, pero la verdadera autoridá naz del venceyu.
- El neñu obedez cuando se siente vistu, respetáu, sosteníu.
- Porque educar ye, finalmente, enseñar a vivir ensin ti.
- Non por que non te precise… sinón por que pueda escoyete dende la llibertá..
