- Viéronse furgonetes, técnicos y miembros del equipu de producción
Asturies volverá convertise n’escenariu de cine esti branu. El Parque Natural de Somiedu foi escoyíu como unu de los principales platós de la nueva entrega de ‘Los juegos del hambre’, una de les sagues más taquilleres de la hestoria del cine.
Pel momentu, el desembarcu del equipu de rodaxe malapenes se dexa notar, anque pela zona yá se vieron furgonetes, técnicos y miembros del equipu de producción. Espérase que cuando más movimientu haya seya a finales de xunetu y agostu.
Son dellos los agospiamientos que cunten con places reservaes pa los miembros del equipu y los vecinos confíen en que’l rodaxe suponga un impactu positivu pa los negocios del conceyu y tamién pa la promoción de Somiedu.
