El Principáu d’Asturies sofita con más de 460.000 euros la meyora de la producción y comercialización de los productos apícolas.Va Dexar financiar los servicios d’asesoramientu, asistencia técnica, formación, inversiones materiales y modernización del sector.
L’apicultura ye una actividá fundamental n’Asturies tantu pola actividá de producción de miel y otres ellaboraciones apícoles como pola función polinizadora de les abeyes. Coles mesmes, contribúi a afitar población nes zones rurales y consolidar un modelu granible basáu na calidá y amparáu sol paragües de la indicación xeográfica protexía (IGP) Miel d’Asturies.
Por ello, amás d’estes subvenciones, los apicultores cunten tamién coles ayudes incluyíes na solicitú única de la Política Agrícola Común (PAC) a l’apicultura para la biodiversidá y a la producción ecolóxica. Na convocatoria d’anguaño recibiéronse 84 y 13 solicitúes, respectivamente.
L’Executivu tamién acuta cuantíes para combatir los efectos del avispón asiáticu y les condiciones climatolóxiques adverses.
- Amplía la información equí https://actualidad.asturias.es/…/el-principado-apoya…
