Usipa-SAIF cree que la sentencia ye estensible a otros trabayadores. Una sentencia pionera del Xulgáu de Mieres obliga al Principáu a apurrir o a pagar les gafes a un emplegáu públicu por necesitales pa trabayar con pantalles. El fallu, que ye firme, básase en directrices europees qu’establecen que los trabayadores tienen derechu a revisiones oftalmolóxiques y a que l’empleador-yos apurra les gafes si les necesiten pa faer el so trabayu.
La sentencia da respuesta a la demanda interpuesta en xineru de 2025 por un trabayador llaboral del Principáu, ayudante de caltenimientu nel centru deportivu d’El Cristo, n’Uviéu, qu’empezó a trabayar con pantalles d’ordenador en 2021.
A partir d’ehí empezó a sufrir trestornos de visión. Pidió una reconocencia oftalmolóxica al Principáu que nun se-y concedió, polo que presentó demanda en xineru d’anguaño.
El fallu obliga a l’alministración a revisa-y la vista y a apurri-y gafes graduaes pa trabayar, conforme a la lexislación europea.
De la sentencia, qu’afecta directamente al personal llaboral del Principáu, van poder beneficiase tolos emplegaos que trabayen delantre d’un ordenador, tamién de la empresa privada, sorraya Guadalupe Lorenzo.
La sentencia ye firme al nun recurrila’l Principáu.
