«Quería neña, queríu neñu:
Que les tos mañanes güelan
a torta acabante enfornar.
Que los tos pies namá tean desnudos
pa triar la campera o’l sable nel branu.
Que la escuela que te reciba sía alcontradiza,
con llaboratorios, biblioteques,
salones y grandes patios.
Que los tos maestros te lleven a conocer otros mundos.
Qu’el únicu trabayu qu’ocupe los tos díes sía’l d’aprender.
Que la to panza tea llena y el to corazón contentu.
Que naide te regale felicidá instantánea,
esa que se viende nel mercáu.
Que la tele nun t’atrape, que nun te queme los suaños.
Que nun haya tablet, nin compu, nin play
que reemplace la felicidá de xugar en serio.
Que la dictadura de la moda nun te raspie la piel.
Que les lluces que s’enciendan nel to cielu
nun sían bombes nin misiles.
Que les úniques lastimadures que manquen el to cuerpu
sían los raspones por aprender a andar en bici.
Qu’el únicu ruiu que s’interponga nos tos suaños
sía’l de los truenos.
Que mires les nubes dende la ventana del to cuartu.
Que tengas una lluz prendida
por que nun t’asusten los rayos.
Que nun haya nueches xelaes.
Y si hai, que t’abrigue un pulóver, una bufanda.
Que siempres haya cerquina dalgún mayor
que t’arime les palabres.
Que la música acompáñete
cuando teas murnia, y cuando teas feliz.
Que te cunten los más bellos cuentos.
Qu’en la to vida nun apaezan los ogros nin les pantasmes.
Que nengún s’atreva, nin intente,
nin siquier piense en tomate de rehén.
Que nada nin naide oblíguete a ser princesa, nin príncipe,
nin esclavu, nin esclava, nin mártir, nin soldadito de naide.
Que les úniques penes que te traviesen
sían les del amor, les de la vida, les de crecer.»
Betty Jouve
